Try And Try, You Will Succeed ?
શું અત્યારે આ ફિલોસોફી સાચી ઠરે છે ? જે રસ્તા પર જવાથી આપને મંઝીલ મળવાની નથી તે રસ્તા પર આપ ગમે તેટલી વખત પ્રયત્ન કરો, અથાગ મહેનત કરો, દિવસ-રાત એક કરી દો, ખૂન પસીનો એક કરી દો પણ સફળતા ક્યારેય હાંસલ નહિ થઈ શકે। જરૂરી હોય છે રસ્તા ને બદલવાની આજકાલ પરિણામો બધાના આવી ગયા ઘણાને ધાર્યા કરતા સારા માર્ક્સ આવ્યા અને ઘણાને ધર્યા હતા તેટલા પણ ન આવ્યા। જેને ધાર્યા હતા તેટલા માર્ક્સ ન આવ્યા તેને પૂછશું એટલે એ કહેશે “મેં તો બહુ મહેનત કરી હતી તોય ધાર્યા પ્રમાણે પરિણામ ન જ મળ્યું” ધાર્યા કરતા વધારે અને ધાર્યા પ્રમાણે પરિણામ ન આવ્યા તેને પૂછશું તો તે પણ કાંઇક આવો જ જવાબ આપશે।
આપણે અહિયાથી રાજકોટ જવાનું હોય અને આપણે કોડીનાર, દીવ બાજુ જઈએ તો રસ્તામાં કોક તો કહેશે જ કે “ભાઈ આપે આ રસ્તો જ ખોટો લીધો છે” એવી જ રીતે જિંદગીનું હોય છે। ક્યારેક એવા રસ્તા પસંદ કરી લઈએ છે કે જે આપણા માટે બન્યા જ ન હોય તો તે સમયમાં જેમ બને તેમ વહેલું અથવા ભલે મોડું થઇ ગયું હોય તો પણ રસ્તાને બદલી ને જિંદગીની ગતિ ને આગળ ધપાવવી જોઇએ, નહિ કે જિંદગીને જ અટકાવી ને!